Sveitarstjórn boðar íbúa til fundar laugardaginn 5. nóvember n.k.
fundurinn verður í Íþróttahúsinu og hefst kl 15:00
Dagskrá:
1. Yfirlit yfir framkvæmdir og rekstur ársins 2016.
2. Fjárhagsáætlun 2016. Kynnt verða drög að fjárhagsáætlun 2016.
3. Hitaveita, kynnt verður skýrsla frá Wilhelm Steindórssyni verkfræðing.
4. Kaffihlé.
5. Ragnar Ásmundsson frá Varmalausnum kynnir Varmadælur.
6. Fyrirspurnir.
Sveitartjórn Tálknafjarðarhrepps.
Wilhelm V. Steindórsson, verkfræðingur kynnti greinargerð um hitaveitu í Tálknafirði á fundi sveitarstjórnar sem haldinn var 18. október. Þar voru þrír kostir kynntir, þ.e. miðlæg varmadæla, varmadæla við hvert hús og frekari jarðhitaleit. Ákveðið var að skipa vinnuhóp vegna framhalds málsins og í honum eru: Jón Örn, Ásgeir og Kristinn.
Greinargerð ásamt skýringarmynd af varmadælu sem lögð voru fram á fundinum má nálgast hér fyrir neðan.
Kjördeild fyrir Alþingiskosningar laugardaginn 29.október
verður í Grunnskólanum frá kl 10-18.
Kjörstjórn
Starfsmaður við almenn fiskeldisstörf á þjónustubáta Arnarlax.
Unnið á 7 daga vöktum og frí í 7 daga.
Skipstjóri á þjónustubát Arnarlax á Patreksfirði.
Unnið á 7 daga vöktum og frí í 7 daga.
Starfsmaður á seiðaeldisstöðinni í Bæjarvík í Tálknafirði.
Unnið 8-17:00 virka daga.
Sjá nánar í auglýsingu (.pdf)
Nánari upplýsingar veitir Anna Vilborg Rúnarsdóttir,
í síma 456-0100 eða í netfangið anna@arnarlax.is
503. fundur Hreppsnefndar Tálknafjarðarhrepps verður haldinn að Strandgötu 38, Tálknafirði, þriðjudaginn 18. október 2016 og hefst kl. 17:00.
Sveitarstjóri
Fyrirhuguð er lagning ljósleiðara í Tálknafjarðarhreppi, sem veita á öruggt þráðbundið netsamband í sveitarfélaginu. Gert er ráð fyrir að tengja öll lögheimili í sveitarfélaginu á næstu árum. Einnig standi eigendum frístundahúsa og fyrirtækja, sem staðsett eru í sveitarfélaginu, til boða að tengjast ljósleiðaranum. Gert er ráð fyrir að öllum þjónustuveitum verði heimilað að bjóða þjónustu sína á ljósleiðarakerfinu gegn gjaldi.
Auglýst er eftir:
A. Aðila, eða aðilum, sem sannanlega ætla að koma á ljósleiðaratengingu eða annarri a.m.k. 100Mb/s þráðbundinni netþjónustu í Tálknafjarðarhreppi (innan eða utan þéttbýlis) á næstu þremur árum á markaðslegum forsendum.
B. Hæfum aðila, eða aðilum, til að taka að sér að byggja upp
ljósleiðarakerfi með stuðningi frá opinberum aðilum og e.t.v. reka til framtíðar, komi til þess að enginn aðili svari lið A. hér að ofan. Aðilar sem óska eftir stuðningi skulu uppfylla tilteknar kröfur um fjarskiptaleyfi, fjárhagslegan styrk, reynslu af uppbyggingu og rekstri sambærilegra kerfa, raunhæfa verkáætlun o. fl. er varðar verkefnið.
C. Eiganda mögulegra fyrirliggjandi fjarskiptainnviða í Tálknafjarðarhreppi sem er tilbúinn að leggja þá til við uppbygginguna gegn endurgjaldi sem bjóðist öllum sem lýsa yfir áhuga á uppbyggingu samkvæmt B. hér að ofan á jafnræðisgrundvelli.
Áhugasamir skulu senda tilkynningu til Tálknafjarðarhrepps á netfangið: sveitarstjori@talknafjordur.is fyrir kl. 12:00 þann 28. október 2016. Í tilkynningunni skal koma fram nafn og kennitala aðila, auk upplýsinga um ofangreint eftir því sem við á.
Hægt er að óska eftir nánari upplýsingum og skýringum og skulu slíkar fyrirspurnir sendar á netfangið: sveitarstjori@talknafjordur.is
Áhugakönnun þessi er ekki skuldbindandi, hvorki fyrir Tálknafjörð né þá sem sýna verkefninu áhuga.
Tálknafirði 14. október 2016
Sveitarstjóri.
