Hægt er að stunda nám við skólann hvort sem er í dagskóla eða dreifnámi. Flest allir áfangar sem eru kenndir við skólann henta til dreifnáms. Með dreifnámi er átt við að nemandinn getur verið í hreinu fjarnámi eða mætt í kennslustundir þegar honum hentar samkvæmt stundaskrá viðkomandi áfanga. Nemendur geta mætt í tíma hvort sem er á Patreksfirði eða í Grundarfirði. Dreifnemendur fylgja því námsmati sem er í áfanganum nema um annað sé samið við kennara.

Undirbúningur fyrir dagskrá sjómannadagsins á Patreksfirði er á fullu enda í nógu að snúast fyrir hátíð sem stendur yfir í fimm daga. Að sögn hátíðarhaldara er um að ræða stærstu hátíð sjómannadagsins á Íslandi og hefur svo verið í fjölda ára. Þá hafa atvinnurekendur í Vesturbyggð mjög gjarnan gefið frí á mánudeginum en hátíðarhöldunum lýkur með dansleik í félagsheimilinu skömmu fyrir miðnætti á sjálfum sjómannadeginum þar sem hljómsveitin Glæstar vonir leika fyrir dansi.

• Hafnarvörður/áhaldahús.  

Helstu verkefni :

• Vigtun sjávarfangs skv. lögum og skil á skýrslum því tengdu.
• Umhirða hafnarsvæðis - viðhald og eftirlit með tækjum og fasteignum.
• Umsjón með niðurröðun báta við bryggjur í samráði við útgerðaraðila.
• Skil á mánaðalegum skýrslum til skrifstofu vegna hafnargjalda,rafmagns ofl
• Skráning á skipakomum og skil á skýrslum til skrifstofu því tengdu.
• Útvega verndarfulltrúa við skipakomur.
• Almennt viðhald fasteigna og tækja allra deilda hreppsins.
• Umsjón með viðhaldi, hálkuvörn og snjómokstri á götum í þéttbýli.
• Umsjón með moltutromlu/endurvinnslu og ástandi áhaldahúss.
• Vinnuvélastjórnun.
• Útgáfa skilaskýrslna til úrvinnslusjóðs.

Starfskröfur :

• Höfn : Almenn tölvukunnátta er skilyrði, sem og  þekking á excel,word og interneti vegna vinnu við Gafl vigtarforrit  og tölvupóst.  Viðkomandi þarf annað hvort að hafa réttindi sem löggiltur vigtarmaður eða að vera reiðubúinn til að fara á námskeið til öflunar slíkra réttinda. 
• Áhaldahús :  Iðnmenntun æskileg. Hæfi til að greina þörf á viðhaldi fasteigna, gatna, vatnsveitu, fráveitu, véla og tækja sveitarfélagsins.

Viðkomandi þarf að vera lipur í samskiptum, stundvís, reglusamur og snyrtimennska höfð í fyrirrúmi.  Þá þarf viðkomandi að hafa getu til þess að vinna sjálfstætt og hafa vilja til að sýna ábyrgð.  Viðkomandi þarf að geta hafið störf  1.ágúst 2012.

Starfshlutfall er 100%, laun skv. kjarasamningi FosVest og launanefndar sveitarfélaga. 

Umsóknum skal skilað til oddvita á skrifstofu eða rafrænt á netfang oddviti@talknafjordur.is  Umsóknareyðublöð er hægt að nálgast á http://talknafjordur.is/   Umsókn þurfa að fylgja eftirtalin gögn, sakavottorð og vottorð um búsforræði.

 Umsóknarfrestur er til 16.júní 2012.

Allar nánari upplýsingar veitir oddviti á skrifstofu sveitarfélagsins og/eða í síma 456-2539,gsm 863-5676 / netfang oddviti@talknafjordur.is

Haldin verður opinn fundur á Ísafirði  með yfirskriftinni

Hvað er framundan  í málefnum fatlaðs fólks á Vestfjörðum?

Fundurinn verður haldin á Hótel Ísafirði, miðvikudagskvöldið 30.maí 2012 kl. 20:00.

Fundastjóri verður Helga B Jóhannsdóttir.

Málshefjendur á fundinum verða:

Arnheiður Jónsdóttir verkefnastjóri BsVest

Margrét Geirsdóttir sviðsstjóri fjölskyldusviðs Ísafjarðarbæjar.

Gerður A. Árnadóttir formaður Landssamtakana Þroskahjálpar

Friðrik Sigurðsson framkvæmdarstjóri Landssamtakana Þroskahjálpar

Allir sem hafa áhuga á málefnum fatlaðs fólks er hvatt til að mæta.

Styrktarfélag fatlaðra á Vestfjörðum

Landssamtökin Þroskahjálp

Byggðasamlag Vestfjarða um málefni fatlaðs fólks.

Rögnvaldur Ólafsson

Dagskrá tileinkuð fyrsta íslenska arkitektinum Rögnvaldi Á Ólafssyni í Edinborgarhúsinu á Ísafirði á annan í Hvítasunnu 28. maí 2012 kl. 14:00

ÍSAFJARÐARKAUPSTAÐUR UM ALDAMÓT: HÖFUÐSTAÐUR MEÐ REISN
erindi Sigurðar Péturssonar sagnfræðings

HUGMYNDASMIÐUR HEIMASTJÓRNARÁRANNA - HUGLEIÐING UM RÖGNVALD ÓLAFSSON OG VERK HANS
erindi Péturs H Ármannssonar arkitekts og fræðimanns

Stofnun Rögnvaldar Á Ólafssonar stefnuskrá og framtíðarplön kynnt í fyrsta sinn opinberlega

Afhjúpun söguspjalds um Rögnvald í anddyri Edinborgarhússins.

15:30 - Rútuferð á söguslóðir í Dýrafirði þar sem kynntur verður upplýsingabæklingur um byggingar og staði sem tengjast Rögnvaldi Ólafssyni á Vestfjörðum og víðar um land

Kaffiveitingar á Núpi og ekið aftur til Ísafjarðar um kl. 18:00

Allir eru velkomnir – aðgangur er ókeypis

 edinborg.is 

Hvítasunnuhelgina 25. – 28. maí verður Skjaldborg – hátíð íslenskra heimildamynda haldin í sjötta sinn á Patreksfirði. Auk þess að frumsýna nýjar íslenskar heimildamyndir er hátíðinni ætlað að vera tækifæri fyrir kvikmyndagerðarfólk og áhugamenn um heimildamyndir til að koma saman. Í lok hátíðarinnar verður besta heimildamyndin á Skjaldborg 2012 valin af áhorfendum.
 

Um leið og gróska hefur aldrei verið meiri í heimildamyndagerð hér á landi er erfitt að fá myndirnar sýndar í kvikmyndahúsum eða sjónvarpi. Skjaldborg sýnir því heimildamyndir sem annars kæmu varla fyrir augu almennings og ber jafna virðingu fyrir hinu smáa, stóra, skrýtna og fokdýra. Á dagskrá hátíðarinnar hafa verið bæði örstuttar myndir og í fullri lengd og efnistökin fjölbreytt.

http://skjaldborg.com/heimildarmyndir/2012/