Stutt hnitmiðað námskeið ætlað starfsfólki í ferðaþjónustu.

Við erum hér fyrir þig er 10 kennslustunda þjónustunám og er ætluð starfsfólki í þjónustustörfum. Námskeiðið er sniðið að starfsfólki í ferðaþjónustu og þeim sem eru í samskiptum við ferðamenn í störfum sínum s.s. í íþróttahúsum/sundlaugum, söfnum og upplýsingamiðstöðvum. Markmið námskeiðsins er að:

• Að efla almenna, faglega og persónulega færni þátttakenda til að takast á við fjölbreytt og krefjandi verkefni innan þjónustufyrirtækja.
• Að auka færni þátttakenda í þjónustustörfum svo sem þjónustuvitund, vöruþekkingu og verkkunnáttu.
• Að gera þátttakendur betur í stakk búna til að takast á við aðstæður sem geta komið upp, svo sem erfiða viðskiptavini.
• Að kynna þátttakendum helstu staðreyndir og upplýsingaveitur um sitt nærumhverfi.

Á námskeiðinu verður fjallað um þjónustu, erfiðar aðstæður, hreinlæti og klæðaburð, nærumhverfi og vinnustaðinn.

Kennarar eru á Ísafirði en námskeiðið er fjarkennt til þeirra staða þar sem Fræðslumiðstöðin hefur aðgang að fjarfundabúnaði; á Hólmavík, Patreksfirði og Bíldudal.

Kennarar: Sigríður Kristjánsdóttir, Heimir Hansson og Birna Jónasdóttir.
Tími: Kennt miðvikudaginn 4. og föstudaginn 6. júní, kl. 9:00 - 12:30.
Lengd: 10 kennslustundir (2 skipti).
Staður: Fræðslumiðstöð Vestfjarða, Suðurgötu 12, Ísafirði. Fjarkennt til Patreksfjarðar, Bíldudals og Hólmavíkur.
Verð: 14.800 kr.

Upplýsingar og skráning í síma 456-5025 eða á www.frmst.is