A A A

Vinna við samein­ingu - upplýs­inga­gjöf til íbúa

Undan­farna vikur og mánuði hefur ýmiss vinna verið í gangi sem miða að því að sameining Vest­ur­byggðar og Tálkna­fjarð­ar­hrepps muni ganga sem best. Kosið var um samein­inguna í íbúa­kosn­ingum sem lauk 28. október sl. þar sem afger­andi meiri­hluti íbúa kaus með samein­ing­unni. Í þessari saman­tekt hafa verið teknar saman upplýs­ingar um hvaða vinna er búin að vera í gangi undarfarnar vikur vegna samein­ing­ar­innar og hvað sé framundan.

...
Meira

Fundarboð 629. fundar sveitarstjórnar Tálknafjarðarhrepps

Boðað er til 629. fundar sveitarstjórnar Tálknafjarðarhrepps sem fer fram á skrifstofu sveitarfélagsins að Strandgötu 38, þriðjudaginn 13. febrúar 2024 og hefst kl. 17:00.

 

Sjá fundarboð hér (.pdf).

Tálknafjarðarskóli auglýsir lausa stöðu við skólann

Tálknafjarðarskóli auglýsir lausa til umsóknar 100% stöðu leikskólakennara. Umsóknarfrestur er til 21. febrúar 2024.

...
Meira

Auglýsing vegna eigna í Hrafnadal

Unnið er að gerð deiliskipulags fyrir svæði á landi Tálknafjarðarhrepps í Hrafnadal ofan við þéttbýlið. Á þessu svæði standa tveir þurrkhjallar, hestagerði og ýmsir lausamunir sem óljóst er hverjir eru eigendur að. Til að unnt sé að ganga frá deiliskipulaginu í samræmi við reglur þar um þarf að ganga frá eignarhaldi þessara eigna á formlegan hátt. Einnig er ljóst að hreinsa þarf svæðið af þeim hlutum sem þar liggja og ekki vitað hverjir eru eigendur þessara hluta.

 

Hér með er auglýst eftir eigendum að tveimur þurrkhjöllum og hestagerði sem standa á deiliskipulagssvæðinu þar sem þær eignir eru ekki skráðar með lóðaleigusamning eða með fasteignanúmer. Þau sem gera tilkall til þessara eigna þurfa að gera lóðaleigusamning og samþykkja skráningu eignanna á fasteignaskrá til að tilkall þeirra til eignanna samræmist reglum um fasteignir. Þau sem telja sig eiga þessar eignir eru hvattir til að hafa samband við skrifstofu Tálknafjarðarhrepps og ganga frá skráningu eignanna á fasteignaskrá og gera lóðaleigusamning um viðkomandi eign til að staðfesta eignarhaldið til framtíðar.

 

Einnig er um að ræða lausamuni svo sem gáma, bíla, vinnuvélar og ýmsan búnað sem liggur nokkuð víða um svæðið. Eigendur þessara lausamuna eru hvattir til að hafa samband við skrifstofu Tálknafjarðarhrepps og tilkynna hvað þau telja sig eiga svo því verði ekki fargað þegar kemur að tiltekt á svæðinu í kjölfar þessarar auglýsingar.

 

Þau sem hafa leigt aðstöðu á geymslusvæði í Hrafnadal eru beðnir að staðfesta við skrifstofu Tálknafjarðarhrepps hvaða svæði þeir hafa leigt og hvort þeir vilji halda því áfram. Jafnframt eru viðkomandi aðilar beðnir um að taka til á sínu svæði og fara yfir hvort þar er eitthvað af munum sem þeir telja sig ekki eiga og vilja losna við. Gott væri að ábendingum um slíka muni verði einnig komið til skrifstofu Tálknafjarðarhrepps þannig að unnt sé að fara í tiltektir á svæðinu í heild sinni.

 

Svör óskast send á netfangið talknafjordur@talknafjordur.is

 

Frestur til að skila inn þessum tilkynningum er til og með föstudagsins 15.mars 2024.

 

Sveitarstjóri Tálknafjarðarhrepps

Skrifstofa Tálknafjarðarhrepps lokuð frá hádegi fimmtudaginn 1. febrúar 2024

Skrifstofa Tálknafjarðarhrepps lokar kl. 12:00 fimmtudaginn 1. febrúar 2024 vegna fundar sem starfsfólk þarf að sækja utan skrifstofu.

 

Beðist er velvirðingar á þeim óþægindum sem þetta kann að valda.

Álagning fasteignagjalda 2024

Álagning fasteignagjalda 2024 liggur fyrir í Táknafjarðarhreppi.

 

Gjalddagar fasteignagjalda eru ellefu, frá 1. febrúar til 1. desember 2024. Eindagi er 30 dögum eftir gjalddaga. Dráttarvextir reiknast frá gjalddaga ef ekki er greitt fyrir eindaga. Ef gjöld eru samtals lægri en kr. 25.000.- er um einn gjalddaga að ræða og er hann 15. febrúar. Ef álagning er kr. 500.- eða lægri verður krafan ekki innheimt.

 

Vinsamlega athugið að ekki verða sendir út greiðsluseðlar nema þess sé sérstaklega óskað. Greiðsluseðlar munu birtast í heimabanka. Engin breyting verður hjá þeim sem pöntuðu seðla í fyrra. Hægt er að panta og afpanta seðla og álagningarseðla með því að hringja í síma 450-2500 á opnunartíma skrifstofu og/eða senda tölvupóst á talknafjordur@talknafjordur.is.

 

Veittur verður afsláttur af fasteignaskatti til þeirra elli- og örorkulífeyrisþega, sem eiga lögheimili í Tálknafirði og eru þinglýstir eigendur viðkomandi fasteignar og/eða geti átt rétt á vaxtabótum vegna hennar skv. B-lið 68.gr.laga nr. 90/2003 um tekju og eignaskatt. Einungis er veittur afsláttur vegna íbúðarhúsnæðis til eigin nota. Miðast afslátturinn við samþykkt tekjumörk liðins árs . Við álagningu fasteignagjalda er afslátturinn reiknaður út frá álagningu 2023 vegna skatttekna 2022. Vinsamlega athugið að afslátturinn verður endurreiknaður þegar skattframtal 2024 vegna skatttekna 2023 liggur fyrir. Nánari upplýsingar um skiptingu fasteignagjalda og viðmiðunartekjur má sjá í gjaldskrá fasteignagjalda.

 

Gjöld vegna hirðu og meðhöndlunar úrgangs eru innheimt með fasteignagjöldum og eru í samræmi við samþykkta gjaldskrá vegna meðhöndlunar úrgangs í Tálknafjarðarhreppi.

 

Álagningarseðlar fasteignagjalda fyrir árið 2024 verða ekki sendir út en verða aðgengilegir á island.is undir flipanum „Mínar síður“. Fyrirspurnir og/eða athugasemdir skal senda á talknafjordur@talknafjordur.is.

Eldri færslur
« Febrúar »
S M Þ M F F L
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29    
Næstu atburðir
Vefumsjón