A A A

Sveitarstjórnarfundur

552. fundur hreppsnefndar Tálknafjarðarhrepps verður haldinn að Strandgötu 38,
13. febrúar 2020 og hefst kl. 18:00.


Sjá fundarboð hér (.pdf)

 
Bjarnveig Guðbrandsdóttir, oddviti

Starfsnám á unglingastigi

Í Tálknafjarðarskóla hefur nú verið tekið upp á þeirri nýjung að bjóða uppá starfsnám á unglingastigi á vorönn. Starfsnámið fellur undir valgreinar en nemendur hafa til þess tvær klst á hverjum miðvikudegi út vorönn í skipulagt starfsnám. Hugmyndin kviknaði eftir góðan og innihaldsríkan samráðsfund sem skólastjóri kallaði til undir heitinu Óskaskólinn okkar.  Á þeim fundi var kallað eftir hugmyndum bæjarbúa Tálknafjarðar um skólalóðina, sérstök verkefni og tengingu við atvinnulífið. Í kjölfar fundarins leitaði skólastjóri til fyrirtækja á Tálknafirði um hvort það væri áhugi og vilji til þess að taka við starfsnámsnemum frá grunnskólanum á vorönn 2020. Níu fyrirtæki urðu við þeirri beiðni og voru spennt að taka við starfsnámsnemunum, þau fyrirtæki sem urðu við beiðni okkar voru TV-Verk, Hópið, Allt í járnum, Leikskóladeild Tálknafjarðarskóla, Tungusilungur, Sjótækni, Íþróttamiðstöð Tálknafjarðar, Bæjarvík og Hjá Jóhönnu.
 
Nemendur völdu sex fyrirtæki sem þau höfðu áhuga á að kynnast nánar og eru nú búin með fyrstu vikuna á vettvangi en þau fá þrjár vikur hjá hverju fyrirtæki sem þau völdu. Allir nemendur fóru mjög spenntir á vettvang og hlakka til komandi vikna. Við þökkum fyrirtækjunum fyrir að taka vel á móti okkur og að taka þátt í verkefninu. Þetta verður vonandi að verkefni sem kemur til með að vera.

Sjá nánar á heimasíðu Tálknafjarðarskóla.

Baldur - aukaferđ á sunnudag, 9. febrúar

Farþegar og flutningsaðilar athugið ferjan Baldur mun sigla aukaferð á sunnudag 9. febrúar brottför kl. 9:00 frá Stykkishólmi og brottför kl. 12:00 frá Brjánslæk.
 
Seinni ferð dagsins verður skv. áætlun, brottför frá Stykkishólmi kl. 15:00 og frá Brjánslækjarhöfn kl. 18:00.
...

Attention Passengers
Next Sunday (09/02/2020) we will have an extra trip with the ferry Baldur so we are going also at 9.00 from Stykkishólmur and 12.00 from Brjánslækur. Regular departure is also on at 3 pm from Stykkishólmur and 6 pm from Brjánslækur

Ađalfundur kvenfélagsins Hörpu 2020

Aðalfundur kvenfélagsins Hörpu 2020 verður haldinn í Vindheimum þriðjudaginn 11. febrúar kl. 20:30.

Dagskrá:
Venjuleg aðalfundarstörf.
Breyting á lögum félagsins.
Önnur mál.

Nýjir félagar hjartanlega velkomnir.

Stjórnin

Kvenfélagskonur

Tálknafjarðarhreppur óskar kvenfélagskonum og þá sérstaklega félagskonum í Hörpu á Tálknafirði til hamingju með 90 ára afmælið og þakkar óeigingjarnt starf í þágu samfélagsins í gegnum tíðina.
 

Vestfjarđavegur um Dynjandisheiđi og Bíldudalsvegur frá Bíldudalsflugvelli ađ Vestfjarđavegi á Dynjandisheiđi

Kynningarfundir - mat á umhverfisáhrifum - frummatsskýrsla
 

Vegagerðin hefur lagt fram frummatsskýrslu um mat á umhverfisáhrifum ofangreindrar framkvæmdar. Um er að ræða samtals 70 km langa vegagerð.
 

Markmið framkvæmdarinnar er að bæta samgöngur milli sunnan- og norðanverðra Vestfjarða. Dýrafjarðargöng munu ekki nýtast að fullu fyrr en lagður hefur verið heilsársvegur um Dynjandisheiði með tengingu til Bíldudals.
 

Kynning á frummatsskýrslu: Frummatsskýrsla er til kynningar hjá Bókasafni Bílddælinga, Bókasafninu Ísafirði, Skipulagsstofnun og í Þjóðarbókhlöðunni. Einnig er hún aðgengileg á vef Skipulagsstofnunar www.skipulag.is og á vef Vegagerðarinnar: www.vegagerdin.is.
 

Kynningarfundir: Vegagerðin stendur fyrir eftirfarandi kynningarfundum um niðurstöður frummatsskýrslu og eru allir velkomnir:

- Þriðjudaginn 4. febrúar í Edinborgarhúsinu á Ísafirði kl. 17:00.

- Miðvikudaginn 5. febrúar í Baldurshaga á Bíldudal kl. 17:00.
 

Athugasemdafrestur: Allir geta kynnt sér frummatsskýrsluna og lagt fram athugasemdir. Athugasemdir skulu vera skriflegar og berast eigi síðar en 17. febrúar 2020 til Skipulagsstofnunar eða með tölvupósti á skipulag@skipulag.is.
 

Eldri fćrslur
« Apríl »
S M Ţ M F F L
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    
Nćstu atburđir
Vefumsjón