A A A

Treysta á stuðning allra þingmanna

Vestfjarðavegur nr. 60. Verður áfram ekið eftir hlykkjóttum og bröttum fjallvegum?
Vestfjarðavegur nr. 60. Verður áfram ekið eftir hlykkjóttum og bröttum fjallvegum?

Forsvarsmenn sveitarfélaganna Vesturbyggðar, Tálknafjarðar og Reykhólahrepps hafa á opinberan hátt ítrekað að finna þurfi nýja láglendisleið sem sátt er um. Í auglýsingu sem birt er í dag í Fréttablaðinu og Morgunblaðinu segir að treyst sé á stuðning þingmanna úr öllum kjördæmum í þessu mikilvæga byggða- og samfélagsmáli. „Vegamál á sunnanverðum Vestfjörðum eru í ólestri og hafa verið árum saman. Áralöng bið eftir láglendisvegi um Barðastrandasýslu er í uppnámi. Ef heldur áfram sem horfið blasir við áframhaldandi akstur um erfiða, oft illfæra og hættulega fjallvegi næstu áratugi. Þetta er óásættanlegt,“ segir í auglýsingunni.

...
Meira

Láglendisvegur er eina lausnin

F.v.: Eyrún Ingibjörg Sigþórsdóttir, Andrea Björnsdóttir, Ögmundur Jónasson og Ásthildur Sturludóttir.
F.v.: Eyrún Ingibjörg Sigþórsdóttir, Andrea Björnsdóttir, Ögmundur Jónasson og Ásthildur Sturludóttir.

Fulltrúar sveitarfélaga á sunnanverðum Vestfjörðum vilja einungis láglendisleið, þegar kemur að endurbótum á Vestfjarðavegi númer 60. Þeir leggja einnig áherslu á að ferjan Baldur hætti ekki að sigla yfir Breiðafjörð nema önnur ferja komi í staðinn.

...
Meira

Tíu þjónar og einn úti í sal

1 af 3

Leikfélag Patreksfjarðar frumsýnir ,,Tíu þjónar og einn úti í sal" föstudaginn 28.október kl. 20.00.

Næsta sýning verður 29. október kl. 20.00.

Í sýningunni er leikið kringum matargesti og þjónað til borðs. Þriggja rétta máltíð sem Sælkerahópurinn á Patreksfirði mun elda og veislan/leiksýningin verður í fremri sal FHP.

Forsala aðgöngumiða í síma 8666822, miðaverð er 5.500 kr.

Náms- og starfsráðgjöf

Björn Hafberg, náms- og starfsráðgjafi
Björn Hafberg, náms- og starfsráðgjafi

Björn Hafberg, náms- og starfsráðgjafi verður í Vesturbyggð og Tálknafirði fimmtudaginn 6. október og föstudaginn 7. október 2011 frá kl. 9.00 - 17.00.


Björn mun heimsækja vinnustaði og vera með einstaklingsviðtöl til að kynna náms- og starfsráðgjöf.

Ráðgjöfin er fólki að kostnaðarlausu.

Einstaklingsviðtölin eru tilvalin fyrir þá sem vilja skoða stöðu sína og möguleika. Svo sem;

  • Fá upplýsingar um nám?
  • Fá upplýsingar um styrki til náms?
  • Setja sér markmið í námi og starfi?
  • Kanna færni sína í starfi?
  • Taka áhugasviðspróf?
  • Rækta sjálfan sig?


Gríptu tækifærið! Skráðu þig hjá Birni Hafberg í síma 899 0883.

Árshátíðin verður 22. október

Árshátíð fyrirtækja á Tálknafirði verður haldin í íþrótta- og félagsheimili Tálknafjarðar laugardaginn 22. Október n.k. Tálknfirðingar nær og fjær eru beðnir um að taka daginn frá. Boðið verður upp á glæsilegan veislumat, ýmiskonar skemmtiatriði og óvæntar uppákomur. Hljómsveitin Festival  leikur fyrir dansi. Nánar auglýst síðar.

Heimkoma ferjunnar baldurs

Þar sem Baldur kemur í heimahöfn seint á mánudagskvöldið er ákveðið að hann byrji að sigla samkvæmt vetraráætlun þriðjudaginn 4. Október. Samkvæmt því verður fyrsta ferð kl 15:00 frá Stykkishólmi og kl 18:00 frá Brjánslæk. Búið er að opna fyrir bókannir. Í skoðun er að Brimrún fari yfir á Brjánslæk (með viðkomu í Flatey ef á þarf að halda)  fyrripartinn á mánudaginn. Vinsamlega leitið upplýsinga 433 2254.

 

Starsfólk Sæferða.

Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón