433. fundur Hreppsnefndar Tálknafjarðarhrepps verður haldinn að  Miðtúni 1, Tálknafirði,fimmtudaginn 20. október 2011 og hefst kl. 17:00.

Sjá fundarboð hér.

Komin er út skýrsla Jafnréttisstofu um nefndir, ráð og stjórnir á vegum ráðuneytanna. Í skýrslunni er að finna greiningu á skiptingu kynjanna í nefndum, stjórnum og ráðum á starfsárinu 2010 auk þess sem farið er yfir þróun síðustu missera.

Davíð S. Ólafsson píanóstillingamaður verður á ferðinni á Tálknafirði og í Vesturbyggð fyrri hluta næstu viku, 23.-25. október. Liðin eru tvö ár síðan hann var hér síðast og efalaust veitir mörgum hljóðfærum ekki af stillingu. Trausti Þór Sverrisson (skoli@talknafjordur.is, sími 456 2537) tekur við pöntunum á Tálknafirði og Magnús Ólafs Hansson (magnus@atvest.is, sími 456 7486/868 1934) í Vesturbyggð. Vinsamlega hafið samband sem allra fyrst svo skipuleggja megi heimsókn Davíðs.

Laugardaginn 3 desember verða stofnuð samtök áhugafólks  um „Hreindýr á Vestfirði“ . Tilgangur samtakanna er að beita sér fyrir því að gerðar verði rannsóknir á heilbrigði hreindýranna, það er að segja hvort hætta sé á að þau geti smitað sauðfé af búfjársjúkdómum. Einnig að gerð verði rannsókn á gróðurfari á Vestfjörðum í þeim tilgangi að athuga hvort nægjanlegt æti sé fyrir dýrin.

Við bjóðum vetur velkominn með stæl þann 22. október og höldum að því tilefni árshátíð fyrirtækja á Tálknafirði. Að venju verður hátíðin haldin í íþróttahúsinu. Húsið opnar kl.20:00 og hefst borðhald kl. 20:30.

Vestfjarðavegur nr. 60. Verður áfram ekið eftir hlykkjóttum og bröttum fjallvegum?

Forsvarsmenn sveitarfélaganna Vesturbyggðar, Tálknafjarðar og Reykhólahrepps hafa á opinberan hátt ítrekað að finna þurfi nýja láglendisleið sem sátt er um. Í auglýsingu sem birt er í dag í Fréttablaðinu og Morgunblaðinu segir að treyst sé á stuðning þingmanna úr öllum kjördæmum í þessu mikilvæga byggða- og samfélagsmáli. „Vegamál á sunnanverðum Vestfjörðum eru í ólestri og hafa verið árum saman. Áralöng bið eftir láglendisvegi um Barðastrandasýslu er í uppnámi. Ef heldur áfram sem horfið blasir við áframhaldandi akstur um erfiða, oft illfæra og hættulega fjallvegi næstu áratugi. Þetta er óásættanlegt,“ segir í auglýsingunni.