Af ástæðum sem útgerð ferjunnar ræður ekki við mun enn frekari seinnkanir verða á því að föst áætlun ferjunnar Baldurs geti hafist að nýju eins og gert var ráð fyrir þ.e byrja siglingar á miðvikudaginn n.k.

Áætlað er að farið verði í fyrstu ferð mánudaginn 15. Október.

Vegna óviðráðanlegra ástæða verður seinkun á heimkomu Ferjunnar Baldurs. Áætlað er að farið verði í fyrstu ferð miðvikudaginn 10. Október.

Námsvísir Fræðslumiðstöðvar Vestfjarða fyrir skólaárið 2012 – 2013 er kominn út, markar hann upphaf að fjórtánda starfsári miðstöðvarinnar.

Í námsvísinum eru tilgreind um 80 námskeið og námsleiðir, sem er nokkru meira en undanfarin ár.

Fimmtudaginn 11. október hefjast súpufundirnir aftur í Sjóræningjahúsinu. Öllum þeim sem hafa frá einhverju áhugaverðu að segja er velkomið að halda erindi, því fjölbreyttari dagskrá því betra. Markmið fundanna er að segja frá öllu því jákvæða og merkilega sem á sér stað á þessu svæði, við einskorðum okkur samt sem áður ekki við það og grípum oft þá sem eiga ferð um svæðið og við teljum að eigi erindi á súpufund.

Ef þig langar að segja frá nýju fyrirtæki, áhugaverðu verkefni, merkilegri rannsókn, áhugamálinu þínu, uppáhalds bókinni þinni, eða benda okkur á einhvern sem þú veist að er væntanlegur í heimsókn á svæðið og þú telur að væri gaman að fá til að tala á súpufundi, er þér velkomið að hafa samband við Öldu í síma 845-5366, eða senda póst á netfangið alda@sjoraeningjahusid.is