Búast má við þrýstingsfalli á kaldavatnslögn í Túngötu og Móatúni á morgun 23. nóvember vegna viðgerðar á aðallögn. Viðgerðin hefst kl. 10:00 og mun standa fram eftir degi.

Guðni
Sími:869 0918

Hreppsnefnd Tálknafjarðarhrepps samþykkti á fundi sínum þann 12. September 2012 að auglýsa tillögu að breytingu á aðalskipulagi fyrir Tálknafjarðarhrepp.
 
Samkvæmt 31. gr. skipulagslaga nr. 123/2010 er hér með auglýst eftir athugasemdum við tillögu að breytingu á aðalskipulagi vegna afmörkunar á vatnsvernd, jarðborun og reiðleiðir. Skipulagsuppdrættir og greinargerð liggja frammi á skrifstofu Tálknafjarðarhrepps Miðtúni 1, Tálknafirði og hjá Skipulagsstofnun Laugavegi 166, Reykjavík frá 26. Nóvember 2012 til 16. janúar  2013. Ennfremur verða gögnin aðgengileg á heimasíðu sveitarfélagsins.

Frestur til að skila inn athugasemdum er til 16. Janúar 2013. Athugasemdum skal skila skriflega á skrifstofu Tálknafjarðarhrepps Miðtúni 1. Tálknafirði eða á netfangið armann@vesturbyggd.is merkt “Aðalskipulag Tálknafjarðar”. Þeir sem ekki gera athugasemdir innan tilskilins frests teljast samþykkir tillögunni.
 

Tálknafjörður 17. nóvember 2012
Ármann Halldórsson Byggingarfulltrúi

• Tillaga að aðalskipulagsbreytingu GREINAGERÐ

• Tillaga að aðalskipulagsbreytingu  UPPDRÁTTUR

Jónas Sig og Ómar Guðjóns á ferð um landið – 14 tónleikar á 14 dögum

Í kvöld klukkan 21 halda þeir tónleika í Sjóræningjahúsinu. Þar kynna þeir báðir efni af nýúkomnum plötum sínum og fara á kostum með sitthvort trommusettið og ógrynni af öðrum hljóðfærum. Miðaverð er 2.000 kr.

Ómar Guðjónsson er þekktur sem einn af bestu jazzgítarleikurum landsins en Jónas Sigurðsson fyrir lög á borð við ,,Hamingjan er hér“ og þessa dagana er það lagið ,,Hafið er svart“.

Vert er að taka fram að Sjóræningjahúsið hefur fest kaup á öflugum hitablásara en fólk er samt sem áður hvatt til að klæða sig vel.

Fjölbrautaskóli Snæfellinga getur tekið við nemendum á vorönn 2013 og má sjá hvaða áfangar eru í boði á heimasíðu skólans www.fsn.is. Innritun fer fram rafrænt á www.menntagatt.is dagana 1.nóvember-23.nóvember.
 

Nemendum eldri en 18 ára stendur til boða að gerast dreifnemendur við FSN. Það form hentar vel fyrir þá nemendur sem ekki eiga þess kost að sækja skólann daglega. Þeir nemendur sem eru skráðir í dreifnám geta þó mætt að vild í skólann! Ef þörf er á frekari upplýsingum þá vinsamlegast hafið samband við Jón Eggert skólameistara jon@fsn.is eða Hrafnhildi aðstoðarskólameistara hrafnhildur@fsn.is eða í síma 4308400.

Leitað er eftir kraftmiklum og áhugasömum einstaklingi til að takast á við krefjandi verkefni.

Nánari upplýsingar:  Birna Benediktsdóttir, varaoddviti í síma 891 7076.

Umsóknarfrestur:    Til og með  26.nóvember 2012

Forstöðumaður félagsstarfs eldri borgara Móbergi Tálknafirði.

Félagsþjónusta Vestur-Barðastrandasýslu auglýsir starf forstöðumanns við félagsstarf aldraðra laust til umsóknar. Um spennandi mótunar- og þróunarstarf er að ræða sem býður upp á fjölbreytta framtíðarmöguleika Um 40% starf er að ræða.

Starfsmaður í félagslegri heimaþjónustu á Tálknafirði.

Félagsþjónusta Vestur-Barðastrandasýslu auglýsir eftir starfsmanni til í heimaþjónustu á Tálknafirði. Um hlutastarf er að ræða.