Ef lífið væri söngleikur- söngleikjatónleikar á heimsmælikvarða
Tálknafirði og Patreksfirði 21. og 22. Júní

Dagana 21. og 22. júní munu söngleikjatónleikar óma um Tálknafjörð og Patreksfjörð. Leikararnir og söngvararnir Bjarni Snæbjörnsson, Margrét Eir, Sigríður Eyrún Friðriksdóttir og Orri Huginn Ágústsson flytja lög úr söngleikjum sem allir þekkja.

Þau halda kvöldtónleika bæði í Tálknafjarðarkirkju og Sjóræningjahúsinu Patreksfirði þar sem flutt verður brot af því besta frá allri tónleikaröðinni sem slegið hefur í gegn í Salnum, Kópavogi í vetur. M.a. flytja þau lög úr My Fair Lady, Fiddler on The Roof, Evita, Phantom of the Opera, Rocky Horror, Rent, Jesus Christ Superstar og Litlu hryllingsbúðinni. Við flygilinn situr píanóleikarinn Karl Olgeirsson og mega tónleikagestir eiga von á söngleikjatónleikum á heimsmælikvarða. Miðaverð kr. 2.500.-

Laugardaginn 22. júní kl 15:00 flytur sami hópur sérstaka barnadagskrá með lögum úr þekktum teiknimyndum og söngleikjum. Af nógu er að taka og komið víða við þar sem flutt verður tónlist Söngvaseið, Ólíver, Annie, Kongungi ljónanna o.fl.  Þetta verður hin besta skemmtun fyrir börn á öllum aldri. Miðaverð á barnatónleikana er kr. 1.000.- Frítt fyrir 2ja ára og yngri.

456. fundur hreppsnefndar Tálknafjarðarhrepps verður haldinn að Miðtúni 1, Tálknafirði, miðvikudaginn 12. júní 2013 og hefst kl 17.00.  Sjá fundarboð hér (.pdf)

Sveitarstjóri.

Mánudagskvöldið 10. júní  nk er boðið til opins fundar um framtíð áætlunarflugs til Bíldudals og varðar hagsmuni íbúa og fyrirtækja í Vesturbyggð og á Tálknafirði. Fundurinn er liður í framkvæmd félagshagfræðilegrar greiningar á framtíð áætlunarflugsins og er liður í vinnu við enduskoðun Samgönguáætlunar. Vonast er eftir góðri þátttöku sveitarstjórnarmanna, íbúa og fyrirtækja.
Fundurinn fer fram í Baldurshaga á Bíldudal og hefst kl. 20:00. 

Sjá meðfylgjandi kynningarefni fyrir fundinn. (.pdf)

Skólinn er framhaldsskóli með áfangasniði þar sem í boði eru stúdentsbrautir, almenn námsbraut og starfsbraut. Skólinn er með framhaldsskóladeild á Patreksfirði. Helstu áherslupunktar í kennsluháttum skólans eru  nýting upplýsingatækni í skólastarfi, fjölbreyttar verkefnamiðaðar kennsluaðferðir og námsmat með sérstakri áherslu á leiðsagnarmat.

Tálknafjarðarhreppur auglýsir til sölu girðingu sem er umhverfis lóð Vindhema. Um er að ræða einingar ásamt uppistöðum, samtal 30 einingar og 60 uppistöður.

Girðingin selst í heilu lagi , eða stökum einingum.  Nánari upplýsingar veitir Guðni Ólafsson, verkstjóri í áhaldahúsi í  síma 869-0918.

Sveitarstjóri

Opnunartími sundlaugar og íþróttahúss Tálknafjarðar er sem hér segir frá og með 3.júní sumar 2013.

Opið alla daga

frá klukkan:

10.00-21.00

Hlökkum til að sjá ykkur.

Starfsfólk sundlaugar Tálknafjarðar.