A A A

Til hunda- og kattaeigenda á Tálknafirði

Þriðjudaginn 8.október n.k.  verður Sigríður Inga dýralæknir stödd hér á Tálknafirði til að framkvæma hunda- og kattahreinsun. Sigríður verður með aðstöðu í áhaldahúsinu að Strandgötu 50, frá kl. 14:00 – 16:00.
 

Innifalið í leyfisgjöldum er hreinsun og ábyrgðartrygging,  óski fólk eftir bólusetningu eða annarri meðferð þarf að panta  fyrirfram í síma 861-4568 .  Eigendur dýra þurfa að greiða sérstaklega fyrir þá þjónustu.
 
Vakin er athygli á því að vanræki eigendur dýra þessa skyldu sína er það skýlaust brot  á samþykktum um hunda og kattahald í Tálknafjarðarhreppi.
 

Eigendum óskráðra dýra er bent á að kynna sérsamþykktir og gjaldskrár um hunda- og kattahald í sveitarfélaginu.

Dýralæknir

Sigríður dýralæknir frá Ísafirði verður á svæðinu á þriðjudaginn 24.09.2013.

Ef dýrin ykkar þurfa á meðferð að halda þá vinsamlega hringið í Sigríði í síma 861-4568 og mælið ykkur mót við hana.
Auðveldara er fyrir Sigríði að vera með rétt lækningadót með sér ef búið er að hafa sambandi við hana áður en hún mætir á svæðið.

Fiskeldisráðstefna

Fiskeldi í köldum strandsjó Íslands.
Ákveðið er að boða til ráðstefnu um tækifæri og ógnanir í fiskeldi við strendur Íslands.
Ráðstefnan fer fram í Félagsheimili Patreksfjarðar dagana 3. og 4. október nk.


 Atvinnuþróunarfélag Vestfjarða hefur ákveðið í samvinnu við Fiskeldisklasa Vestfjarða að efna til ráðstefnunnar.

...
Meira

Starfsmaður við félagsstarf eldri borgara á Tálknafirði

Félagsþjónusta Vestur-Barðastrandasýslu auglýsir  eftir starfsmanni við félagsstarf aldraðra. Starfsemin er í mótun og því verður um tímabundna ráðningu að ræða í 40% starf til áramóta með möguleika á auknu starfshlutfalli.

...
Meira

Dagur íslenskrar náttúru 2013

Fátt hefur mótað íslenska þjóð eins og náttúran.
Fátt hefur mótað íslenska þjóð eins og náttúran.

Dagur íslenskrar náttúru er haldin hátíðlegur 16. September ár hvert. Að því tilefni ætlar landvörður Umhverfisstofnunar að bjóða uppá gönguferð í Náttúruvættið Surtabrandsgil. Mæting er kl. 16:00 við miðasölu Baldurs á Brjánslæk (Flakkaranum). Gangan tekur um 2 ½ klst. Mikilvægt er að vera í góðum skóm þar sem svæðið er mjög blautt á kafla.

Sjá nánar á sérstöku vefsvæði Dags íslenskrar náttúru.

Kynning á breytingu á aðalskipulagi Tálknafjarðarhrepps 2006- 2018. Breytt landnotkun í Norður‐Botni.

Tálknafjarðarhreppur vinnur nú að breytingum á aðalskipulagi. Um er að ræða breytingu í þremur iðnaðarsvæðum í landi Norður‐Botns. Í fyrsta lagi er afmörkun borhola. Í öðru lagi nýtt svæði fyrir fiskeldi í Botnsdal sem er stækkun á svæði I3 þar sem er þegar fyrir fiskeldi og heitavatnsholur. Í þriðja lagi 2‐3 kW smávirkjun í Keldá.
 

Kynning verður á vinnugögnum fyrirhugaðrar aðalskipulagsbreytingu á opnu húsi á bæjarskrifstofu Tálknafjarðarhrepps  Miðtúni 1, Tálknafirði fimmtudaginn 19. September nk. Milli kl. 13:00 og 15:00. Þar mun skipulagsfulltrúi sitja fyrir svörum og kynnir fyrirhugaða breytingu á aðalskipulagi. Skipulagsgögn má nálgast hér að neðan og á skrifstofu Tálknafjarðhrepps.
 

Ármann Halldórsson skipulagsfulltrúi.

Aðalskipulagsbreyting. Breytingar í Norður‐Botni. Kynning á vinnugögnum. Sept. 2013 - (pdf - 854,21 KB)
 
Aðalskipulagsbreyting. Breytingar í Norður‐Botni . UPPDRÁTTUR. sept. 2013. - (pdf - 2,24 MB)


Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón