A A A

Auglýsing: Sveitarstjórnarfundur

469. fundur Sveitarstjórnar Tálknafjarðarhrepps verður haldinn að Miðtúni 1 Tálknafirði, mánudaginn 2. júní og hefst kl 12:00.
 

 Sjá fundarboð hér (.pdf)
 

Sveitarstjóri

Auglýsing um kjörfund í Tálknafjarðarhreppi í sveitarstjórnarkosningum 2014

Kjörfundur í sveitarstjórnarkosningum, er fram á að fara 31. maí 2014 verður í Tálknafjarðarskóla og hefst kl. 10:00 og stendur til kl. 18:00.
 

Kosningar til sveitarstjórnar í Tálknafjarðarhreppi eru óbundnar kosningar/persónukosningar þar sem kosning er ekki bundin við framboð. Allir kjósendur eru í kjöri nema þeir sem löglega eru undanþegnir skyldu til að taka kjöri og hafa fyrir fram skorast undan því.

Eftirtaldir hafa skorast undan endurkjöri og eru því atkvæði þeim greidd ógild:

Birna Benediktsdóttir, Móatúni 3, Tálknafirði

Björgvin Smári Haraldsson, Túngötu 29, Tálknafirði

Eyrún Ingibjörg Sigþórsdóttir, Miðtúni 18, Tálknafirði

Heiðar Ingi Jóhannsson, Túngötu 13, Tálknafirði

 

Öllum öðrum kjósendum í Tálknafirði sem eru kjörgengir, heilir og hraustir og yngri en 65 ára, er skylt að taka kjöri í sveitarstjórn við óbundna kosningu.
 

Talning atkvæða verður í Dunhaga og er stefnt að því að hún hefjist um kl. 20:00. Talning atkvæða er öllum opin.


Kjörstjórn Tálknafjarðarhrepps

Menningarráð Vestfjarða auglýsir eftir umsóknum – frestur til 13. júní

Menningarráð Vestfjarða hefur nú auglýst eftir umsóknum um styrki á grundvelli menningarsamnings ríkisins við Fjórðungssamband Vestfirðinga og er frestur til að sækja um til og með föstudeginum 13. júní. Styrkir verða veittir í tveimur flokkum, annars vegar stofnkostnaðar- og rekstrarstyrkir til menningarstofnanna og hins vegar verkefnastyrkir til afmarkaðra menningarverkefna. Tilgangurinn er að efla menningarstarfsemi á Vestfjörðum og eru umsóknir og verkefni hverju sinni borin saman á samkeppnisgrundvelli við úthlutun. Umsækjendum er bent á að kynna sér vandlega úthlutunarreglur, en þær er að finna á vefsíðunni www.vestfirdir.is undir Menningarráð Vestfjarða -> Styrkir. Þar má einnig nálgast eyðublöð, bæði fyrir ritvinnslu og rafræn. 

Allar nánari upplýsingar gefur Jón Jónsson menningarfulltrúi Vestfjarða í síma 891-7372 eða í netfanginu menning@vestfirdir.is.

Kjörskrá Tálknafjarðarhrepps

Kjörskrá Tálknafjarðarhrepps vegna sveitarstjórnarkosninga  þann 31. maí 2014 mun liggja frammi á skrifstofu sveitarfélagsins að Miðtúni 1 frá og með 21. maí 2014 til kjördags á opnunartíma skrifstofu.

 

Sveitarstjóri

Auglýsing: Deiliskipulag hafnarsvæðis og Kelduár

Deiliskipulag hafnarsvæðis Tálknafirði

Hreppsnefnd Tálknafjarðarhrepps samþykkti á fundi sínum 13. maí 2014 að auglýsa deiliskipulagstillögu hafnarsvæðis Tálknafirði skv. 1. mgr. 41. gr. skipulagslaga nr. 123/2010.
 

Deiliskipulagssvæðið liggur neðan Strandgötu frá Strandgötu 20 að Hólsá. Svæðið sem um ræðir liggur innan skilgreinds hafnarsvæðis, athafnasvæðis A4/A5 og iðnaðarsvæðis I4 samkvæmt  Aðalskipulagi Tálknafjarðarhrepps 2006-2018.
 

Skipulagssvæðið er um 6,1 ha að stærð og afmarkast af Strandgötu til norðurs og nær frá gatnamótum Strandgötu 20 til austurs að Hólsá til vesturs.
 

Deiliskipulagstillagan verður til sýnis á skrifstofu Tálknafjarðarhrepps að Miðtúni 1 frá og með mánudeginum 19. maí nk. til 30. júní 2014. Tillagan er einnig til sýnis á heimasíðu Tálknafjarðarhrepps, www.talknafjordur.is. 
 

Þeim sem telja sig eiga hagsmuna að gæta er hér með gefinn kostur á að gera athugasemdir við deiliskiplögin til 30. júní 2014.
 

Skila skal athugasemdum á skrifstofu Tálknafjarðarhrepps, Miðtún 1, 460 Tálknafirði.
 

Deiliskipulagstillaga -Virkjun Kelduár.

Hreppsnefnd Tálknafjarðarhrepps samþykkti á fundi sínum 13. maí 2014 að endurauglýsa deiliskipulagstillögu um virkjun Kelduár skv. 1. mgr. 41. gr. skipulagslaga nr. 123/2010.
 

Deiliskipulagið tekur til neðsta hluta Kelduár og næsta umhverfis í landi Eysteinseyrar og Norður-Botns. Gert er ráð fyrir að virkja rennsli Kelduár til raforkuframleiðslu. Að auki er gert ráð fyrir möguleika á að hægt sé að nýta umframvatn í fiskeldi í landi Norður-Botns, sem er utan skipulagssvæðisins.
 

Deiliskipulagstillagan verður til sýnis á skrifstofu Tálknafjarðarhrepps að Miðtúni 1 frá og með mánudeginum 19. maí nk. til 30. júní 2014. Tillagan er einnig til sýnis á heimasíðu Tálknafjarðarhrepps, www.talknafjordur.is. 
 

Þeim sem telja sig eiga hagsmuna að gæta er hér með gefinn kostur á að gera athugasemdir við deiliskiplögin til 30. júní 2014.
 

Skila skal athugasemdum á skrifstofu Tálknafjarðarhrepps, Miðtún 1, 460 Tálknafirði.
 

Skipulagsfulltrúi Tálknafjarðarhrepps

Óskar Örn Gunnarsson

Deiliskipulag Tálknafjarðarhafnar, greinargerð (.pdf)
Deiliskipulagsuppdráttur af Tálknafjarðarhöfn (.pdf)
Virkjun Kelduár, greinargerð (.pdf)
Deiliskipulagsuppdráttur af virkjun Kelduár (.pdf)


Sumarstörf

Starfskraftur óskast til þess að hafa yfirumsjón  og  verkstjórn með vinnuskóla Tálknafjarðarhrepps sumarið 2014  er stendur frá  5.júní til og með 18.júlí.

Menntunar- og hæfniskröfur :

  • Reynsla og menntun/þekking á skipu- og verklagi við umhirðu grænna svæða.
  • Frumkvæði, sjálfstæði og nákvæmni í starfi
  • Hæfni í mannlegum samskiptum
  • Ökuréttindi
  • Reyklaus
  • Æskilegt er að viðkomandi sé eldri en 25 ára

Starfsfólk óskast  til þess að sinna umhirðu grænna svæða og minniháttar viðhaldsverkum  s.s. málningarvinnu.  Laus eru til umsóknar  fjögur  100 % stöðugildi,  vinnutími frá kl. 8 – 12  og 13 – 17.
 

Vinnuskóli  Tálknafjarðarhrepps hefst miðvikudaginn 5.júní og stendur til fimmtudagsins 18.júlí.  Helstu verkefni skólans varða snyrtingu og fegrun bæjarins.  Þeir sem geta sótt um í vinnuskólanum eru börn fædd á árunum 1998 – 2000. 

Reglur og skilmálar eru aðgengileg á heimasíðu Tálknafjarðarhrepps sem og umsóknareyðublöð starfsumsókn og sérstök umsókn um vinnuskóla. 
 

Nánari upplýsingar m.a. um launakjör veitir sveitastjóri skrifstofu Tálknafjarðarhrepps, í síma 456-2539 og netfang  sveitarstjori@talknafjordur.is

 
Umsóknareyðublöð starfsumsókn og umsókn um vinnuskóla eru aðgengileg á skrifstofu og
á heimasíðu undir skrár og skjöl.

Umsóknum skal skila á skrifstofu fyrir 25.maí n.k.

sveitarstjóri

Eldri færslur
« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón