A A A

Segir álit Skipulagsstofnunar reginhneyksli

Einar K. Guðfinnsson, þingmaður Sjálfstæðisflokks í Norðvesturkjördæmi.
Einar K. Guðfinnsson, þingmaður Sjálfstæðisflokks í Norðvesturkjördæmi.

Einar K. Guðfinnsson, þingmaður Norðvesturkjördæmis, segir álit Skipulagsstofnunar um Vestfjarðaveg reginhneyksli og segir tíma til kominn að opinberar stofnanir taki tillit til þarfa fólksins, sem þarf að búa við vegina.

Skipulagsstofnun hefur lýst því áliti sínu að fyrirhugaðar endurbætur á þjóðveginum um Kjálkafjörð og Kerlingarfjörð á sunnanverðum Vestfjörðum valdi óbætanlegum skaða á landslagi. Einar segir að heiðarlegast hefði verið af stofnuninni að segja Vestfirðingum að nota bara gömlu troðningana, en ekki leggja neinn nýjan veg, - kannski að leyfa að sturtað yrði nokkrum malarhlössum í verstu holurnar.

Einar er ósammála Skipulagsstofnun og telur að með mótvægisaðgerðum taki Vegagerðin fullt tillit til náttúrunnar. En það sé líka kominn tími til þess að einnig verði tekið tillit til fólksins á Vestfjörðum, sem þarf að nota þessa vegi. Það sé ekki boðlegt af hálfu opinberrar stofnunar að leggja til verri kosti en völ sé á. Að fara með vegina inn í fjarðabotnana sé miklu verri kostur.

Hann óttast fordæmið gagnvart endurbótum á leiðinni um Gufudalssveit þar sem hugmyndir gangi út á að þvera firði. Álit Skipulagsstofnunar megi skilja þannig að hún sé alfarið á móti því að þvera firði. Það lofi ekki góðu.

,,Mér finnst þetta vera reginhneyksli."
  Sjá hér blogg Einars um málið.

Frétt tekin af visir.is

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón