Fjölbreytileikanum fagnað, gleðiganga á Patreksfirði á laugardaginn
Undanfarna daga hefur regnbogafáninn blakt á fánastöng sveitarfélagsins á Lækjartorgi í tilefni af Hinsegin dögum og mun gera það áfram nokkra daga enn. Tálknfirðingar fagna fjölbreytileikanum og fáninn minnir á að allar manneskjur eiga rétt á að njóta sömu mannréttinda án tillits til uppruna þeirra, þjóðernis, litarháttar, trúarbragða, stjórnmálaskoðana, kynferðis, kynhneigðar, aldurs, efnahags, ætternis, fötlunar, heilsufars eða annarrar ómálefnalegrar stöðu.
Eins og annars staðar á landinu mun gleðiganga fara fram á sunnanverðum Vestfjörðum laugardaginn 6. ágúst. Gengið verður frá grunninum sem er gegn Kátu krullunni á Patreksfirði og endað í diskóstuði á Flak og byrjar gangan kl. 16:30. Það verður tónlist, andlistmálun, regnbogavarningur til sölu og gleðistemning alls ráðandi. Er öll fjölskyldan hvött til að koma og taka þátt í gleðinni.
Þá er það sérstaklega ánægjulegt að það skuli vera Tálknfirðingurinn Bjarni Snæbjörnsson sem flytur einkennislag Hinsegin daga í ár og ásamt því að taka þátt í því að semja lagið. Hægt er að hlusta á lagið og sjá texta þess hér:
Fleiri fréttir
Fundargerðir
- Íþrótta-, menningar- og æskulýðsnefnd | 11. fundur 5. september 2023
- Sveitarstjórn | 618. fundur 11. september 2023
- Sveitarstjórn | 617. fundur 22. ágúst 2023
- Umhverfis- og byggingarnefnd | 10. fundur 16. ágúst 2023
- Skipulagsnefnd | 11. fundur 15. ágúst 2023
- Sjá allar fundargerðir