A A A

Aðstoðarskólameistari – Fjölbrautaskóla Snæfellinga – Grundarfirði

Fjölbrautaskóli Snæfellinga auglýsir eftir aðstoðarskólameistara í 75% stöðu frá og með 15.ágúst 2015.
 

Samkvæmt 14. gr. laga um menntun og ráðningu kennara og skólastjórnenda við leikskóla, grunnskóla og framhaldsskóla, nr. 87/2008, skal aðstoðarskólameistari hafa starfsheitið framhaldsskólakennari og viðbótarmenntun í stjórnun eða kennslureynslu á framhaldsskólastigi.
 

Aðstoðarskólameistari er staðgengill skólameistara og vinnur með honum að daglegri stjórnun og rekstri skólans. Hann hefur m.a. umsjón með áfangakerfi skólans þ.m.t. námsvali og skólasókn nemenda. Hann tekur virkan þátt í námskrárgerð, þróunarverkefnum og innra mati skólans og annast upplýsingagjöf um skólastarfið til hagsmunaaðila.
 

Leitað er eftir einstaklingi með góða færni í mannlegum samskiptum og ríkan áhuga á að vinna með ungu fólki.  Þá þarf viðkomandi að hafa góða leiðtoga- og skipulagshæfileika, vera fær um taka frumkvæði og vinna sjálfstætt.
 

Launakjör eru í samræmi við gildandi kjarasamning fjármálaráðherra við viðkomandi stéttarfélag og stofnanasamning skólans.  Aðstoðarskólameistari er ráðinn til fimm ára í senn.
 

Ekki er nauðsynlegt að sækja um á sérstökum eyðublöðum en með umsókn þarf að leggja fram gögn um menntun, starfsreynslu og meðmælendur. Öllum umsóknum verður svarað þegar ákvörðun hefur verið tekin um ráðningu. Umsóknir gilda í a.m.k. sex mánuði ef staðan losnar á ný. 
 

Nánari upplýsingar gefur skólameistari Jón Eggert Bragason (joneggert@fsn.is) í síma 8917384.
 

Umsóknir berist á netfangið joneggert@fsn.is eða til Fjölbrautaskóla Snæfellinga, b.t. skólameistara, Grundargötu 44, 350 Grundarfirði. 
 

Umsóknarfrestur er til 4. ágúst  2015. 
 

Fjölbrautaskóli Snæfellinga er framhaldsskóli með áfangasniði sem vill skipa sér í fremstu röð og hefur það markmið að veita öllum nemendum góða menntun.http://www.fsn.is/
 

Jón Eggert Bragason
skólameistari

http://www.starfatorg.is/kennsla_rannsoknir/nr/19751

« Mars »
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            
Næstu atburðir
Vefumsjón