1. sæti í Landsbyggðavinaverkefninu-Framtíðin er núna
Gaman er að segja frá því að verkefnið Hjólabrettapallur á Tálknafirði hlaut 1. verðlaunasætið ásamt verkefninu Hamingjudögum á Hólmavík í Landsbyggðavinaverkefninu – Framtíðin er núna. Að verkefninu standa nemendur úr 9. og 10. bekk skólans þær; Aníta Steinarsdóttir, Halldóra Aðalsteinsdóttir, Margrét Lilja Aðalsteinsdóttir og Þórunn María Jörgensdóttir.
Hjartanlega til hamingju með frábært verkefni !
Verðlaunaafhending fer fram í Norræna húsinu sunnudaginn 26. maí næstkomandi.
Skemmst er frá að segja að bæði verkefnið Hjólabrettapallur á Tálknafirði og verkefnið Jörðmynd sem tók einnig þátt í keppninni hafa sent inn erindi til sveitarstjórnar til þess að óska eftir aðstoð við að hrinda verkefninu í framkvæmd. Erindi beggja hópanna verður tekið til umræðu á næsta sveitarstjórnarfundi Tálknafjarðarhrepps sem haldinn verður þann 27. júní næstkomandi. Það verður því spennandi að fylgjast með framhaldinu.
Þátttaka í þessu verkefni er liður í að rækta markvisst þekkingu, leikni og viðhorf sem styrkir getu einstaklinga í framtíðinni til að verða gagnrýnir, virkir og hæfir þátttakendur í jafnréttis- og lýðræðissamfélagi. Lýðræði er einn af þeim grunnþáttum sem mynda kjarna menntastefnu landsins.
Tekið af vef Tálknafjarðarskóla.
Fleiri fréttir
Fundargerðir
- Velferðarráð V-Barð | 44. fundur Velferðarráðs V-Barð 12. janúar 2023
- Íþrótta-, menningar- og æskulýðsnefnd | 6. fundur 9. janúar 2023
- Fræðslunefnd | 6. fundur 12. janúar 2023
- Skipulagsnefnd | 6. fundur 17. janúar 2023
- Umhverfis- og byggingarnefnd | 6. fundur 18. janúar 2023
- Sjá allar fundargerðir